Novas 2026
ASOCIACION
21 Mar 2026
Buitrago del Lozoya, primeira parada da caravana da ACT
A Comunidade de Madrid será testemuña do comezo da Liga Euskotren e da Liga Eusko Label de 2026.
A "Bandera Pueblos con Vida Comunidad de Madrid – Canal Isabel II" será a encargada de dar o bandeirazo de saída á tempada 2026. Así o decidiron os clubs socios da ACT coa aprobación do calendario da competición para a presente campaña. Orio acolleu a terceira sesión ordinaria do ano, onde os puntos máis destacados foron a aprobación tanto do calendario, como a do orzamento.
A Liga Eusko Label e a Liga Euskotren arrancarán o último fin de semana de xuño en Buitrago del Lozoya, onde o domingo (28 de xuño) se desputará a xornada inaugural, no encoro de Riosequillo. A regata desputarase en formato contra o reloxo por parellas, con 6 longos e 5 ceavogas na competición masculina e 4 longos e 3 ceavogas na femenina.
As ligas chegarán a Bizkaia na primeira fin de semana de xullo, coas xornadas de Bilbao e Zierbena (4 e 5 de xullo). O sábado da seguinte fin de semana as tripulacións desputarán a Bandeira CaixaBank en Castro-Urdiales e visitarán Gipuzkoa no domingo coa xornada en augas de Orio.
As Ligas Eusko Label e Euskotren viaxarán por primeira vez a Galiza os días 18 e 19 de xullo. No sábado desputarase a regata na casa do recén ascendido Chapela mentres que no domingo o anfitrión será Bueu.
A Ikurriña de Zarautz voltará a ser o encontro que clausure a Liga Euskotren, desputándose a dobre xornada na fin de semana do 22 e 23 de agosto. As traiñeiras da Liga Eusko Label competirán en Galiza por segunda vez os días 29 e 30 de agosto, en Boiro e Ares respectivamente. As dúas xornadas do Play Off e o final da Liga Eusko Label desputaranse os días 19 e 20 de setembro en Bermeo e Portugalete.